🌐 अर्ज करण्यासाठी 10 फेब्रुवारी दुपारी 12 पर्यंत पोर्टल उपलब्ध
सांगली, दि. 5, (जि. मा. का.) : दिव्यांग व्यक्तींना स्वावलंबी होण्याच्या दृष्टीने हरित उर्जेवर चालणाऱ्या पर्यावरणस्नेही फिरत्या वाहनावरील दुकान (मोबाईल शॉप ऑन ई-व्हेईकल) मोफत उपलब्ध करुन देण्याबाबतची योजना लागू करण्यासंदर्भात दिनांक 10 जून 2019 रोजीच्या शासन निर्णयानुसार मान्यता देण्यात आली आहे. या योजनेला मिळत असलेला प्रतिसाद आणि मागणी लक्षात घेऊन गरजू दिव्यांग व्यक्तींना योजनेचा लाभ मिळण्यासाठी अर्जदार नाव नोंदणी (अर्ज करण्यासाठी) पोर्टल https://register.mshfdc.co.in ही लिंक दिनांक 10 फेब्रुवारी 2025 दुपारी 12 वाजेपर्यंत उपलब्ध करून देण्यात आली आहे. या योजनेचा अधिकाधिक दिव्यांग व्यक्तींनी लाभ घ्यावा, असे आवाहन महाराष्ट्र राज्य दिव्यांग वित्त व विकास महामंडळ, मर्यादित सांगली चे जिल्हा व्यवस्थापक यांनी प्रसिध्दीपत्रकाव्दारे केले आहे.