स्वाभिमानी शेतकरी संघटनेच्या वतीने जागर एफ. आर. पी. चा, आराधना शक्तीपिठांची यात्रा...
७ ते १५ ऑक्टोंबर पर्यंत राजू शेट्टी यांच्या उपस्थितीत काढण्यात येणार यात्रा...
भिलवडी |०६/१०/२०२१
केंद्र सरकार, राज्य सरकार व साखर कारखानदार यांनी मिळून एफ. आर. पी. चे तीन तुकडे करण्याचा घाट घातला आहे. याला विरोध दर्शविण्यासाठी व शेतकऱ्यांना एक रकमी एफ. आर. पी. मिळावी यासाठी स्वाभिमानी शेतकरी संघटनेचे संस्थापक अध्यक्ष मा. खासदार राजू शेट्टी हे ७ ऑक्टोबर रोजी जागर एफ. आर. पी. चा , आराधना शक्तीपिठांची या यात्रेचा शुभारंभ कोल्हापूर येथून ज्योतिबा ,महालक्ष्मी व आदमापूर येथे दर्शन घेऊन करणार आहेत ,
हि यात्रा आठ तारखेला सांगली जिल्ह्यात येणार आहे. नांद्रे _ वसगडे येथून मोटारसायकल रॅलीद्वारे ते औदुंबर येथे श्री दत्त दर्शन व शेतकरी मेळाव्यासाठी जाणार आहेत. औदुंबरकडे जात असताना,
राजू शेट्टी यांचे भिलवडी येथे माजी जिल्हा परिषद सदस्य मा.संग्राम (दादा) पाटील सह त्यांचे सहकारी व भिलवडी परीसरातील शेतकर्‍यांच्या वतीने भव्य स्वागत करण्यात येणार आहे.
आठ ऑक्टोबर रोजी औदुंबर येथे सकाळी ठिक ८:०० वाजता राजू शेट्टी हे शेतकऱ्यांचा मेळावा घेऊन, त्यांना एफ. आर. पी. बाबत संबोधित करणार आहेत.
त्यामुळे प्रशासनाकडून एफ. आर. पी. बाबत होणारी गळचेपी थांबविण्यासाठी जास्तीत जास्त शेतकऱ्यांनी या रॅलीमध्ये व मेळाव्यास उपस्थित राहून, सरकारला शेतकऱ्यांच्या मध्ये असलेली एकी दाखवून द्यावी असे आवाहन स्वाभिमानी शेतकरी संघटनेची जिल्हा कार्याध्यक्ष संदीप राजोबा यांनी केले आहे.
