मनुष्यबळ अकादमीतर्फे गुणिजन गौरव महासंमेलनमध्ये होणार प्रदान...
सांगोला | दि. २७ / ०८ / २०२१
समर्थ बहुउद्देशीय विकास संस्था वाटंबरे या संस्थेस , मनुष्यबळ विकास लोकसेवा अकादमी च्या वतीने गुणिजन गौरव महापरिषद २०२१ मध्ये 'राज्यस्तरीय आदर्श सामाजिक संस्था सेवारत्न'
पुरस्काराने ऑनलाइन सन्मानित करण्यात आले.
समर्थ बहुउद्देशीय संस्था ही गेली चार वर्षे वेगवेगळ्या सामाजिक , सांस्कृतिक , शैक्षणिक , आर्थिक, कृषी , आरोग्य , नोकरी मार्गदर्शन अशा वेगळ्या विषयावरती कार्य करीत आहे.
व्यसनमुक्त भारत अभियान राबवून महाराष्ट्रामध्ये २५० व्यसनमुक्ती केंद्रामार्फत २५००० पेक्षा जास्त लोकांना व्यसनमुक्त बनविण्यात आले , संस्थेने ४५ व्यक्तींना व्यसनमुक्तीदूत व ७ आदर्श व्यसनमुक्ती केंद्र पुरस्काचे वितरण केले , व्यसनमुक्तीच्या पुस्तकाची निर्मिती केली, दुष्काळामध्ये वाटंबरे व चिनके या गावामध्ये जनावरांसाठी शासनाचा चारा छावणी उपक्रम राबवून जनावरांच्या चारा व पाण्याची सोय केली , साने गुरूजी कथामालेचे आयोजन करून साने गुरुजींचा विचार रुजवण्यास मदत केली , आरोग्य शिबिरांचे आयोजन , नोकरी मार्गदर्शन केंद्र मार्फत हजारो बेरोजगार तरुणांना नोकरीच्या संधी उपलब्ध करून दिल्या , एस एज्युकेशन मार्फत व्यक्तिमत्व विकास प्रशिक्षण , ग्राम स्वच्छता व वृक्षारोपण कार्यक्रमाचे आयोजन , महापुरुषांची जयंती पुण्यतिथी साजरी करणे , आरोग्यविमा मार्गदर्शन , व्याख्यानांचे आयोजन अशाप्रकारे संस्थाने समाजातील सर्व क्षेत्रासाठी काम करून एक आदर्श निर्माण केला आहे. यावर्षी दै. तुफानक्रांती या वृत्तपत्र समूहाने 'आदर्श सामाजिक संस्था ' पुरस्काराने सन्मानित करण्यात आले..
समर्थ संस्थेचे अध्यक्ष दिगंबर साळुंखे , उपाध्यक्ष महेश दत्तू , सचिव प्रमिला साळुंखे , खजिनदार मेघश्याम सुरवसे , इक्बाल पाटील , शरदचंद्र पवार , लता पाटील यांनी संस्थेच्या विकासासाठी केलेल्या कार्याचे व घेतलेल्या परिश्रमाचे चीज झाले असून यासाठी संस्थेचे सभासद व हितचिंतकांनी अभिनंदन केले व पुढील कार्यास शुभेच्छा दिल्या.
