सांगली, दि. 22 (जि. मा. का.) : महाराष्ट्र राज्य परीक्षा परिषदेमार्फत महाराष्ट्रातील विद्यार्थ्यांसाठी राष्ट्रीय भारतीय सैन्य महाविद्यालय, डेहराडून (उत्तराखंड) येथे फक्त इयंत्ता 8 वी साठीची प्रवेशपात्रता परीक्षा दि. 1 जून 2025 रोजी पुणे येथे घेण्यात येणार आहे. या परीक्षेसाठी मुले व मुली प्रविष्ट होऊ शकतात. यासाठी आवेदनपत्र स्वीकारण्याची अंतिम तारीख 31 मार्च 2025 अशी आहे, असे महाराष्ट्र राज्य परीक्षा परिषदेच्या आयुक्त अनुराधा ओक यांनी प्रसिध्दीपत्रकाव्दारे कळविले आहे.
या परीक्षेसाठी विद्यार्थी / विद्यार्थीनी (उमेदवार) दि. 1 जानेवारी 2026 रोजी कोणत्याही मान्यताप्राप्त शाळेमध्ये इयत्ता 7 वी वर्गात शिकत असावा किंवा 7 वी उत्तीर्ण झालेला असावा. वय दि. 1 जानेवारी 2026 रोजी 11 वर्षे 6 महिने पेक्षा कमी आणि 13 वर्षापेक्षा अधिक नसावे. म्हणजेच विद्याथी / विद्यार्थीनीचा जन्म दि. 2 जानेवारी 2013 च्या आधीचा व दि. 1 जुलै 2014 च्या नंतरचा नसावा.
आवेदनपत्र व जुन्या प्रश्नपत्रिकांचे संच राष्ट्रीय इंडियन मिलिटरी कॉलेज, डेहराडून उत्तराखंड पिन कोड- 248003 यांच्यामार्फत पुढील पद्धतीने मागविता येईल. ऑनलाईन पध्दतीने पैसे भरून परीक्षेसाठी आवेदनपत्र (फॉर्म) व जुन्या प्रश्नपत्रिकांचा संच मा. कमांडंट राष्ट्रीय इंडियन मिलिटरी कॉलेज, डेहराडून यांच्याकडून मागविण्याकरीता राष्ट्रीय इंडियन मिलिटरी कॉलेज, डेहराडून यांच्या www.rimc.gov.in या संकेतस्थळावर ऑनलाईन पध्दतीने सर्वसाधरण व इतर संवर्गाकरिता 600/- रूपये व अनुसूचित जाती जमाती करीता 555/- रूपये भरून आवेदनपत्राची (फॉर्मची) मागणी करता येईल.
डिमांड ड्राफ्ट द्वारे परीक्षेसाठी आवेदनपत्र (फॉर्म) मा. कमांडंट राष्ट्रीय इंडियन मिलिटरी कॉलेज, डेहराडून यांच्याकडून मागविण्याकरीता सर्वसाधरण संर्वगातील विद्यार्थी (उमेदवार) करीता रु. 600/- चा डी. डी. व अनुसूचित जाती जमाती करीता रु. 555/- चा डी.डी THE COMMANDANT RIMC FUND, DRAWEE
BRANCH, HDFC BANK, BALLUPUR CHOWK, DEHRADUN, (BANK CODE 1399) UTTARAKHAND यांच्या नावाने काढावा. सदर डी. डी. THE COMMANDANT "RASHTRIYA INDIAN MILITARY COLLEGE, DEHRADUN, UTTARAKHAND, 248 003 या पत्यावर पाठविणे आवश्यक आहे. अनुसूचित जाती जमाती करीता डी. डी. सोबत जातीच्या दाखल्याची सत्यप्रत / छायांकित प्रत पाठविणे बंधनकारक आहे. डी.डी. पाठवितांना ज्या पत्त्यावर आवेदनपत्र मागवायचा आहे तो पत्ता पिन कोड सह अचूक नमूद करावा. तसेच इंग्रजी कॅपिटल अक्षरातच लिहिलेला अथवा टाईप केलेला असावा. त्यानंतर आवेदनपत्र (फॉर्म) व मागील 10 वर्षाच्या प्रश्नपत्रिकांचा संच व माहिती पुस्तिका स्पीड पोस्टाव्दारे दिलेल्या पत्त्यावर प्राप्त होईल.
आवेदनपत्र परीपूर्ण भरून सोबत आवश्यक कागदपत्रे जोडून मा. आयुक्त, महाराष्ट्र राज्य परीक्षा परिषद, महाराष्ट्र राज्य माध्यमिक व उच्च माध्यमिक शिक्षण मंडळ (राज्यमंडळ) भांबुर्डा, आघारकर रिसर्च इन्स्टिट्युट सेंटरच्या मागे, शिवाजीनगर पुणे 411004. वा पत्त्यावर दिनांक 31 मार्च 2025 पर्यंत पोहोचतील अशा पध्दतीने स्पीड पोस्टाने पाठवावीत किंवा समक्ष येऊन जमा करावीत, कुठल्याही परिस्थितीत आवेदनपत्र RIME, डेहराडूनकडे जमा करु नयेत, असे प्रसिध्दी पत्रकात म्हटले आहे.
आवश्यक कागदपत्रे व अधिक माहितीसाठी 020-29709617 या दूरध्वनी क्रमांकावर संपर्क करावा किंवा वेबसाईट www.mscepune.in ला भेट द्यावी.