नगरसेवक विजय ताड यांच्या खुनाचा उलगडा, ४ आरोपी जेरबंद स्थानिक गुन्हे अन्वेषण शाखा सांगली यांची कारवाई.. गुन्हयातील सुत्रधार फरार...

स्थानिक गुन्हे अन्वेषण शाखा सांगली यांची कारवाई..

=====================================

सांगली | दि. २० मार्च २०२३

------------------------------------------------------

दिनांक १७.०३.२०२३ रोजी दुपारी पावणेदोन वाजण्याच्या सुमारास जत नगरपरिषदेचे भाजपाचे नगरसेवक विजय शिवाजी ताड वय ४२ रा. ताड मळा, जत ता. जत जि. सांगली हे त्यांचे इनोव्हा गाडी क्र एम.एच.१० सी.एन.०००२ या गाडीने त्यांच्या मुलांना शाळेतुन घरी आणणेसाठी जात असताना बबलू उर्फ संदीप शंकर चव्हाण व त्याचे साथीदार यांनी मोटरसायकल वरुन येवुन अज्ञात कारणावरुन नगरसेवक विजय शिवाजी ताड यांचेवर पिस्तुलाने गोळीबार करुन अल्फोन्सो शाळेजवळ मोकळया मैदानात त्याचे डोके दगडाने ठेचून त्यांचा खून केला होता.

विक्रम शिवाजी ताड वय ४२ वर्षे रा. ताड मळा जत यांनी दि. १७ - ०३ - २०२३ रोजी या घटने संदर्भात जत पोलीस ठाण्यात गुन्हा दाखल केला होता.

मयत विजय शिवाजी ताड (नगरसेवक)

पोलीस अधीक्षक डॉ. बसवराज तेली, उपविभागीय पोलीस अधिकारी अश्विनी शेंडगे यांनी पोलीस निरीक्षक सतिश शिंदे, स्थानिक गुन्हे अन्वेषण शाखा, सांगली यांना जत पोलीस ठाणे कडील विजय शिवाजी ताड यांच्या खुनाचा गुन्हा उघडकीस आणणेबाबत सुचना दिल्या होत्या..

वरिष्ठांनी दिलेल्या सुचनेप्रमाणे पोलीस निरीक्षक सतिश शिंदे स्था. गु.अ. शाखा यांनी गुन्हे अन्वेषण शाखेकडील वेगवेगळी तीन पथके तयार केली होती. या तिन्ही पथकांनी गुन्हा घडले ठिकाणी भेट देऊन गुन्हयाचा तपास जलदगतीने चालु केला होता. या गुन्हयाच्या अनुषंगाने गोपनीय बातमीदाराकडुन व तांत्रिक माहिती वरुन सदरचा गुन्हा हा बबलू उर्फ संदीप शंकर चव्हाण व त्याचे साथीदार यांनी केला असून हे संशयित आरोपी कर्नाटक राज्यातील गोकाक येथील एसटी स्टँड परिसरात असल्याबाबत पोलीसांना माहिती मिळाली होती.

गुन्हा अन्वेषण शाखेच्या पथकाने गोकाक एसटी स्टँड परिसरात सापळा लावून चार आरोपींना ताब्यात घेतले आहे. बबलू उर्फ संदीप शंकर चव्हाण वय २७ रा समर्थ कॉलनी, जत. ता जत. जि सांगली , निकेश उर्फ दाद्या दिनकर मदने वय २४ रा. मौजे डिग्रज ता. मिरज, जि. सांगली , आकाश सुधाकर व्हनखंडे वय २४ रा. के एम हायस्कुल जवळ सातारा फाटा, जत ता. जत, जि. सांगली , किरण विठ्ठल चव्हाण वय २७ रा. आर आर कॉलेज जवळ, जत ता. जत, जि. सांगली अशी आरोपींची नावे आहेत. त्यांचेकडे जत पोलीस ठाणे कडील अल्फोन्सो शाळेजवळ मोकळया मैदानात मयत विजय शिवाजी ताड यांचे खुनाच्या गुन्हयाचे अनुषंगाने कौशल्यपूर्ण तपास केला असता, बबलु उर्फ संदीप चव्हाण याने सागिंतले की, मयत विजय शिवाजी ताड यांचा खुन आम्ही चौघांनी मिळुन उमेश सावंत रा. जत याचे सांगणेवरुन केला असल्याचे कबुल केले आहे.

नगरसेवक विजय शिवाजी ताड यांच्या खुनाचा गुन्हयाच्या तपास कामी या चौघांना अटक केले असून हे चारही आरोपी पोलीसांच्या रेकॉर्ड वरील गुन्हेगार असल्याची माहिती स्थानिक गुन्हे अन्वेषण शाखेचे पोलीस निरीक्षक सतिश शिंदे यांनी दिली आहे.

सदरची कारवाई पोलीस अधीक्षक डॉ. बसवराज तेली , उपविभागीय पोलीस अधिकारी अश्विनी शेंडगे यांचे मार्गदर्शनाखाली

पोलीस निरीक्षक सतिश शिंदे , पोलीस निरीक्षक राजेश रामाघरे (जत) , सहाय्यक पोलीस निरीक्षक प्रशांत निशानदार , सहाय्यक पोलीस निरीक्षक संदीप शिंदे , पोलीस उपनिरीक्षक विशाल येळेकर , संदीप नलवडे, प्रकाश पाटील, मच्छिंद्र बर्डे , चेतन महाजन, प्रशांत माळी, ऋतुराज होळकर, विनायक सुतार, नागेश खरात, दिपक गायकवाड, सुनिल लोखंडे, कुबेर खोत, सचिन धोत्रे, राजु मुळे, जितेंद्र जाधव, आमसिध्दा खोत, संदीप गुरव, अनिल कोळेकर, सागर लवटे, बिरोबा नरळे, सागर टिगरे, अच्युत सुर्यवंशी, राजु शिरोळर, संजय कांबळे, निलेश कदम, राहुल जाधव, सोहेल कार्तीयांनी , अमोल ऐदाळे, वैभव पाटील, उदयसिंह माळी निसार मुलाणी यांनी केली आहे.

या गुन्हयातील फरार आरोपी व सुत्रधार उमेश सावंत याचा शोध सुरु असुन गुन्हयाचा तपास पोलीस निरीक्षक सतिश शिंदे स्थानिक गुन्हे अन्वेषण शाखा सांगली हे करीत आहेत.

◆◆◆◆◆◆◆◆◆◆◆◆◆◆◆◆◆◆◆◆◆◆◆