भिलवडी | दि. 14/09/2021
श्री गणेश चतुर्थी
भाद्रपद शुद्ध ४दिवशी श्री गणेशाची स्थापना करतात.
गणेश चतुर्थीच्या तिसऱ्या दिवशी,
१) गौरीचे आगमन होत असते. ( ऐकीव माहिती अशी की श्री गणेश बाळाला घेऊन जाण्यासाठी पार्वती माता गौरीच्या रूपांत येते.) सासरवाशी असणार्या मुली माहेरी येतात. व नदीवरून गौरीचे " नव्हान " म्हणून वाजत-गाजत आणतात अंघोळ घालतात त्यादिवशी भाजी-भाकरीचा नैवेद्य देतात.
२) दुसऱ्या दिवशी शंकरुबा आणतात, गंगा गौरीला साडी नेसवतात व शंकरुबा पोशाख करतात गोड नैवेद्य खिर, पोळीचा देण्याची पद्धत आहे, त्यानंतर रात्रीच्या वेळी गाणी म्हणून ववसा घेतात व कान उघडताना "भानीर वादन" करून गाणी म्हणत_म्हणत "कान" उघडतात व "मंगळा गौरीचीओटी भरतात" रात्रभर झिम्मा फुगडी खेळत जागरण करतात.
३) तिसऱ्या दिवशी गौरी गणपती विसर्जन म्हणून सायंकाळी वडी, धपाटे, तळीव, भाजीच्या प्रसादाने नैवेद्य दाखवून "गौरीचे व गणपतीचे विसर्जन" नदी किंवा विहिरीवरती वाहत्या पाण्यामध्ये करण्याची परंपरा आहे.
